22.5.15

Lucas B福岡遊之行李篇

今次係第一次帶LUCAS B去旅行

所以未必好清楚咁知道要帶D咩去..或者可能會帶漏TIM.

如果大家見我寫漏, 麻煩大家提提我!!

清單:

衫 X 6 件(因為今次係6月份去..天氣一定會熱..所以會帶多幾件衫去替換, 驚一出汗會再洩一洩親, 會病)

褲仔 X 2條(咁我地去4日, 但其實得個3日!!我諗帶2條..應該夠..
薄褸 X 1(雖然係熱天, 但我地係自駕遊, 點都要帶件會穩陣D..)

尿片 X 5@day(因為仲係BB, 所以點都要帶..

一日要預大概4-5塊..咁樣4日個度都要成20塊..諗緊不如帶幾塊, 其他日子用個D就係個度買..可以唔洗阻行李既位置
(方便我買戰利品...)

鞋 x 1 著住new blance 去(今次去outlet入對涼鞋..)

襪 x 3 set

衣物就搞掂喇!!

到食

奶樽 x 2個(依傢得早晚飲奶, 所以帶2個夠用)

奶粉 x 8包(上次係一田見到有旅行用既奶粉袋, 咁樣就可以方便話沖奶就沖, 唔洗帶一罐咁去..)

紗巾 X 多好過少..

餵食用具 X 1SET

水樽 X 1

零食 X (可以用短時間解決佢既騷擾)

到雜物

蚊貼 X 1包(入面有好多張..)

濕紙巾 X 1包

消毒湯紙巾 X 多好過少

保溫瓶 X 1(用黎出外去沖奶)

米 - 因為始終仲係細, 唔可以咁快食濃味..所以要帶定黎粥食

象印 x 整野食

到藥物篇

因為要出外,所以一定要執定藥!萬一唔好彩(希望唔會發生),都可以暫時頂一頂

退燒藥

退熱貼

探熱計

出旅行前,最好去診所睇一睇,拎定平安藥。

咁就萬無一失喇!

原來,我寫漏左要帶泳褲同衫仔。因為今次住既地方有泳池同有得浸溫泉(係!無錯!係溫泉,但係有得玩既水上樂園咁既溫泉。好似係)

帶得呢d,咁就一定要買定防水尿片。好彩之前上網買左幾塊...唔洗驚整污糟人地既地方

我諗,我照住黎執,應該我諗唔會執漏掛

始終第一次,都怕怕架!

希望無,希望無!哈

好喇,今次分享bb ge 物品係咁多,下一篇係媽咪我既旅行物品

有興趣就keep住睇喇。

*****************************************************************************

歡迎大家搵我合作試用

MAIL:WWING417@GMAIL.COM











19.5.15

燒@YSL 限量眼影盤

大家有冇去睇今季既MAKEUP PRODUCT

我一直有去FOLLOW BE..因為可以好快收到最新既資訊

但有一日,我係fb 見到MOD makeup facebook見有post 左呢一幅相



我就出事喇!

因為佢既包裝,燒到我!我個人對於波點同lace係抗拒唔到!

(如果我生個個係女既話,一定係波點同lace為主。咩都買一餐!好彩呢個係仔,幫媽咪慳錢!)

你睇下,你睇下!一見到,我就癲左!

其實我一直有用開ysl既化妝品,但居然我係無買佢既眼影盤

但今次,我絕對係因為個盒先去買(但原來眼影既色,係真係好靚好靚!平時日妝同晚妝都用到!超美!!)

雖然我都係睇外表,但入面依傢都燒到叮叮聲!

好喇!唔講喇!開喇!!


Ysl一向既包裝都係金色做主,俾人好高貴既感覺!

今次個盒加入左波點,成個感覺更加有復古。唔知你地有無呢種感覺

真係好靚,每開一次。我都不禁又對住個盒叫好靚!(想點,想點!美到叫我可以點算!)

見到入面既眼色,係咪都好靚!每一隻色都好靚

呢張用電話影



呢張用相機影

而且帶有閃粉,感覺美好!

其實我對住呢一盒眼影盤,真係無說話可以再講!


因為深深打入左我既心!oh my god

大家會唔會嫌我煩呢?哈哈

我係到自我淘醉!

好喇!一篇好簡單既喪讚既文係咁多

希望大家唔好嫌棄我係到傻左咁讚

哈哈。下次再分享其他美既野!
*********************************************************************************************

歡迎大家搵我合作試用

MAIL:WWING417@GMAIL.COM

16.5.15

Lucas B - 第二次上堂@史丹福

今日係第二堂上堂..

但今日開始落大雨, 所以遲左上堂..(好憎落雨..我要好天, 我要好天!!)

點知去到, 見唔到一個bb上堂..明明上一次有3個bb一齊上堂玩

咁仲有..

導師可以更尊心去教Lucasb..

連老公都係咁講..


今次導師有帶個假b黎做示範..但Lucasb 見到個b好似好出奇咁

個導師一講左一次就放低左個b, Lucasb見到b反轉左個身好驚

但我影唔到..><

但仔仔好似愛一班bb一齊上..因為今次佢一d都唔笑

好似唔開心咁..希望下堂有多少少bb一齊上堂喇..感覺唔咁lonly


眼見咁上堂都幾好..起碼個導師唔會好差..好快就上最後一堂喇


要諗下再join唔join先.

今次影得太少相喇!!

好喇..今次分享係咁多..
*********************************************************************************************

歡迎大家搵我合作試用

MAIL:WWING417@GMAIL.COM

有氣息的唇妝 - YSL

今次我想分享我平時既妝容



但今次既重點係個嘴

因為我覺得如果就算平時唔化眼妝..就咁搽個唇膏

個人既氣息已經爭好遠!!

平時我用LANEIGE GE BB CUSHION (夠快..因為平時番工要快靚正!!所以一定係當選!!二黎無技巧言, 對我黎講係正野!!)

如果覺得係笠既可以上碎粉定一定

再用Nars既眉筆畫番堂眉..

因為平時番工, 所以唔會搽眼影

就咁畫上眼線..眼線我會用上次係日本買既Lover Liner

真係超好用!!(下個月自己入多幾枝做後備..如果大家有興趣可以幫大家買入..!!)

好喇!!眼既部份就搞掂

直接上胭脂..平時上JILL STURT既4色胭脂..

到我既唇妝

因為有時我真係好懶..有時胭脂都唔上, 就直接搽唇膏..

一搽上有顏色既唇膏

個人會即時唔同左!!

而我平時會用得好既唇部產品係YSL

上一次我分享左我既最愛既唇膏

今次會有2枝唔同色既YSL



化好個妝, 但個嘴好未搽野..感覺都還可以, 但好似都係爭d野咁



今次用既色係7號



搽左係咪好好多呢!!因為呢枝色真係好自然..唔會話好誇張

但睇番個人真係會精神左...呢隻色大家真係要去試下!!

下一隻色就會再醒神d...



請唔好介意..岩岩起身個人係會亂d..

亦都係化好個妝...

而我今次用今年生日, 朋友送我的12號色!! 試左又係番唔到轉頭..!!



睇隻色就已經好靚..



個look又會唔同d..

睇下大家愛點樣做型..哈



好喇!!今次係我分享咁多

*****************************************************************************

歡迎大家搵我合作試用

MAIL:WWING417@GMAIL.COM

12.5.15

結婚3週年 - 皮婚

今日係我地結婚3週年..

本身我諗住唔出外慶祝, 就係屋企就算

但老公話不如去食BUFFET喇..仲一早搵定2間俾我去揀

一間有生蠔, 一間無

咁我雖然唔食, 但點都係食有生蠔好D喇!!價錢唔爭得多..

所以我地揀左尖沙咀隆堡麗景酒店大堂GE咖啡亭

今期做緊優惠..自助晚餐二人同行優惠

第一輪18:00-20:00就2位$670

第二輪20:30-23:00就2位$700 (但係第二輪先有生蠔..!!)

所以揀左第二輪..

就係因為食8點半, 老公提議不如去睇場戲...o.o''(我O嘴係因為我地係要番工..問會唔會好趕GA..佢話唔會..咁OK喇!!)

佢昨日下午食飯出去買戲飛..睇全力扣殺(完全無IDEA...唔知咩戲!!)

一套唔好睇..又悶!!坐到我勁累..

之後搭地鐵去尖沙咀食buffet..



去到岩岩好, 帶左入去坐..侍應送上汽水..



到鐘, 個個都出去拎生蠔..因為每人只可以拎3隻..

唔, 其實呢間BUFFET真係好細既間, 但食物質素又幾好!!老公話生蠔好食..起碼係有蠔味..

其他既凍食都好味,,(因為我唔食生蠔, 我就食其他凍海鮮..)



刺身都好味..唔會得雪味..!!好怕


係熟食少D..

甜品都OK..

因為太肚餓, 好少影相

今日既慶祝就係咁..哈!


*********************************************************************************************

歡迎大家搵我合作試用

MAIL:WWING417@GMAIL.COM

11.5.15

Lucas B - 第一次上堂@史丹福

好早前我見到Mamaishop 有史丹福babies游水堂

即時買左coupon..因為同老公都覺得點都要識游水

呢個係必需既!!所以當提早俾bb去接觸

當然唔會真係呢段時間去學(野都未識講...-.-'')



揀左星期六下午去上堂。去到因為未夠鐘所以係台上到等,點知咁岩前上堂有個bb玩緊水

仔仔睇到實一實(因為侄仔由好細個都係呢到上堂直至依傢都係,Luacs b都有睇哥哥上堂)

差唔多夠鐘,我就帶佢去換游水片同泳衣泳褲


我同其他媽媽一齊經人係外國網站買..都大件..可以著多1年都得



坐係岸邊自己都好開心..仲想落水TIM..



好心急..哈哈

到可以落水喇..



今堂有多3個小朋友上堂,有一對孖b,仲有個女仔。但對孖b一落水就大喊,未停過!喊到落堂

隔離個工人姐姐話之前都有去泳池,但唔知點解會喪喊..好鬼得意..


老公一直都好認真咁去聽導師講

仔仔都好ENJOY玩水..







仔仔真係一D都唔怕水..佢係呢度係最細個個..好叻仔!!


到最後居然唔肯上水..扭計!!

依傢大個成日都扭..有時真係好激氣

但無計..依傢仲未識去表達自己..唯有去扭計去表達不滿..

上完今堂..見佢都咁開心..

希望下2堂都咁就好喇!!

**************************************************************************************************************************

歡迎大家搵我合作試用

MAIL:WWING417@GMAIL.COM



10.5.15

福岡自駕遊-前

2月先同老公2個人去完日本大阪

依傢咁快又黎?!

係!!但今次係同奶奶外家一齊去!!

所以我都有D期待..會係點既呢?!

今次既旅程係自駕遊..會唔會想到係一架車既人?你就錯喇!!

係2架車..total 有20個..

係咪好勁呢?!人多有戈多既好, 但壞處都仲多

好簡單既等齊人出發已經係好大問題...有老有嫩

但未試過點知呢, 係咪?唔好諗咁多

橫點我都會分享...

好喇, 講下大概既行程..

因為失地係搭HK EXPRESS..咁去福岡每日得一班機

而航班時間係下午1點機, 大概飛既時間約3個鐘..然後去拎車. 再入熊本湧泉の宿 藻乃花


有私人溫泉浸..

第2日我地出發去宮崎高千穗牧場睇下可以同bb睇下動物

第3日就去九州動物園..

第4日就番香港..

其實今次我地係為左同bb去旅行..

大概既行程係咁樣..

好喇, 到時去完旅行再分享..

多謝..

9.5.15

日本手信 - BABY FOOT

由2月去完旅行到依傢先寫手信..

真係好慢..!!

好喇..唔再講喇.要講呢樣手信先

其實我真係對呢個無咩興趣..呢樣野我係最後個日係機場入面買

因為如果有睇到上一篇知道我地有幾早入機場

而且身上仲有YEN

所以入去藥妝店行下...見到個盒貼住有第1位呢個字眼


所以就買左2盒tim...(但大家真係唔好係入面機場買, 因為係要俾稅!無得退ga..!!!記住!!)

價錢就真係唔記得左..


對腳好乾..就到夏天著涼鞋, 無可能俾人見到對腳咁ga

所以點都用下先!!

真係要拆開黎用喇



一開個盒, 就見到一包銀色GE袋同介紹單張

.一包細細包GE SAMPLE.仲有BABY FOOT既貼紙

打開左個銀色袋..有2塊野..

要用較剪剪開, 對腳入去再用BABY FOOT GE 貼紙貼實..防止入面既野漏出



要包住30分鐘..



浸左30分鐘去洗腳, 後果無咁快!!

隔左2日, 開始見到有野出黎



脫左d死皮, 但無話好似會有bb咁嫩ge效果..

大家可以考慮下先再決定會唔會

好喇,分享係咁多

多謝!