第2日..
因為book ge 酒店係無包早餐
所以我地去黑門市場開餐..
一路行..一路見到好多野食
成條魚仲長過隻手掌..
勁大個魚頭!!
之後老公見到生蠔, 梗係要試下!!
好大隻囉, 300YEN!!點知話好好食
再行緊既時候, 見到老公愛食既赤貝..
食落口, 勁爽!!唔似香港個d..
新鮮海膽..好貴..1000YEN!!但無理由唔食GA MA..
(其實呢要一見到就好買, 唔好話再話睇埋其他先再番轉頭買..雖然唔算好大, 但真係無必要咁!!下次識ga la)
最後, 我地買左呢D..(講番先, 其間撞到一對好好既香港人..因為我地要搵定位
但又想一齊出去買野食
個對夫婦好好話幫我地睇袋. 雖然個袋入面無咩特別貴重野
但我會覺得出門遇貴人..)
見到海膽雖然唔靚, 但味道好甜..!!正呀!!(回味中..好肚餓呀!!)
另一個燒原貝可以唔洗叫!!
食飽, 就起去日清博物館。因為今日先真正既搭日本鐵路，所有有少少混亂。
我地係第一日買左pass，點知去到落車既站先知原來係用唔到，最後要禮補錢出閘。(仲要用好緊有既英文去同車站人員溝通)
其實好易搵到，因為沿路都有指示牌。
好快就到左喇...
行到入去個館到，入面好多人已經係到整緊自己既杯面。
係門口度有個杯面自動機，買左你想整既數量。
然後工作人員會安排座位俾我地，就開始動工。
因為小妹我對於美術呢架野係完全唔得！所以去望下人地既作品，俾我可以參考下！
而老公呢，佢話以前都可以，但太耐無畫過。所以生手左，但最後畫左蠟筆小新(其實係仔黎)同我地2個(但一d都唔似!!)
之後去俾工作人員幫我地既杯面消毒，再放面餅入去
自己搞個杯面入去個杯底..
再自己揀3種自己鍾意既材料同味粉..
就幫我地PACK好..
整完, 我地去左下面既博物館.
係介紹由初始到依傢既發展
睇完, 我地去番難波站搵蟹道樂食夜晚餐飯(因為接近晚飯時間食會平好多)
一出lift, 就見到一缸蟹!! (我要黎食你啦!!)
餐牌..有好多唔同既餐..但下午黎食呢個餐會抵好多, 大家不況可以試下!!
個環境好舒服, 可能呢段時間未有大陸人黎..我影到全部都係日本人
我地仲叫左杯酒黎飲
成個餐有好多唔同野食..有蟹腳刺身(好好味, 而且我估唔到個質感。但好甜好好味)
之後我地去左隔離個商場睇ilmo車
好好咁俾我地見到..但凈係得紅色..唔緊要..平咁多!!
本身仲諗住去睇空中花園,但要拎住咁重既車..所以番番酒店..
可能太早食, 好快就肚餓..
最後都係心齋橋搵野食..見到有鐵板燒和牛..
試左..好好味呀個蒜片..(番到香港, 我地都試左..的確配燒和牛, 無得頂樓!)
食飽就酒店, 都係去浸溫泉..体息..
分享係咁多...多謝哂
