由14年9月買左到出發都等左好耐..
到出發個日, 同老公都好興奮!!
始終14年有左bb關係，所以無得去旅行。但適逢今年係我地拍拖7週年
造就左今次旅行(要離開Lucas b幾日，從未試過！)
我地因早機，所以天未光就出發。
搭巴士去到葵芳轉機場巴士，好驚會miss左架車。
因為我地係無係網上訂埋座位，所以要趕住去check in
但好彩，無miss到。
落車後，即刻去Terminal 2，點知已經有長長既人龍
去到我地既時候，仲有連位坐。雖然無得去調較座位，但唔緊要喇！
入左閘後，我就即刻打去HK Express補番回程個轉座位先，少少錢真係唔慳得！
係翠華食飽飽就行去登機閘。
好快就上到機，點知又發生少少既意外，令到delay左幾個字
但唔知點解又快過原定時間到達
到達後，拎完行李步出去已經感受到寒冷天氣！(身子弱，無辦法！)
就行去買南海鐵路，車程快！
一路望住出面既風景同建築
未到達市區，沿路上都見到好有日本風味既屋。
個一刻我先肯定到我真係黎左日本。一路望，一路喊好靚！
老公開始叫我收聲。(討厭！)
好快到左難波站！但，完全唔識點搵路離開個地下街
亂咁行，終於都搵到。行上地面，再行去搵酒店
但原來好近！
沿途經過黑門市場，同心齋橋。
之後就到我地住既酒店..Dormy Inn Premium 係好出名溫泉(但我唔知.係老公話想訂, 貪晚晚有溫泉浸, 去完的確係!!)
check in 後, 去搵野食!!
行經金龍, 見到有蟹道樂
今日唔食蟹先,,
咁凍既天氣梗係食熱野!!拉面!!
係心齋橋有好多間好出名既拉面，有四天王，金龍，一蘭。
但我地第一日去食金龍先！
係門口有個自動櫃員機，有得揀大碗同細碗
當然揀細碗, 我地仲要食其他小食
其實我本來唔愛食拉面. 但係今次大阪我食左3次!!
暫時頂到, 我地行下心齋橋
呢個標誌大家都好熟..點都要影下...
再行入少少, 見到PABLO..即刻買左一個番酒店食!!
但行行下, 覺得有D肚餓..入左一間餐廳..
好搞笑, 要規定每人都要叫野..所以叫左2個SET..好彩都唔太貴
食飽後, 我地番酒店經過本家..當然要order一客LA..
點知佢見到我影佢, 即刻say yeah..哈哈
之後我地番酒店, 老公話要去浸溫泉，消除下今日既疲勞！
但因為係分別男女仲有係公眾，所以唔可以影相。
由其係女浴, 要每一日都要去Reception拎password..應該以防有不法既人走入去!!
呢樣做得好好!!
浸完上房食甜品..但一開
爛左...(鳴..)
不過無損佢既味道!!好好味!!
然後就休息..聽日Full full GE 行程!!
分享係咁多...多謝哂
聯絡: wwing417@gmail.com
沒有留言:
張貼留言