我一歲喇!!

今日仔仔1歲..我同老公帶仔仔一齊去海洋公園慶祝

係葵芳食左晏

點知仔係我地出發去既時候唔訓覺..一直都係咁望野

最後上左巴士先訓...(仲要唔醒, 上到山先訓醒覺)

我地去到買票, 因為諗住生日人士可以有一個人陪入場可以有半價票..

點知原來係12年已經無左呢個優惠..(大家記住!!)但就送左一set coupon

無計喇!!無理由到左門口而唔入ga..

香港人買票平$25, 總共買左$640..(原價$345)

入到場見到仔仲未醒, 我地就搭海洋列車上左上面玩左先..

好彩去睇餵海獅

點知中途就醒左, 好野!!


佢醒左無喊, 見到海獅仲手指指

之後我地見海洋劇場就夠鐘, 所以行去座



但仔可能肚仔餓, 見到人地食野, 眼都唔眨..但好好, 無喊

可以睇哂全場先食野..

詳細唔講, 因為轉左個劇情, 所以對於我地由細睇到大, 會覺得無咁好睇..但BB一直未離開過視線

睇完, 上番去開餐..但可能無野遮擋..d野唔食得多..咁走喇!!去見其他野

我地去左中華尋龍館..

笑得好開心..!!

但入到去個環境太暗,而且坐係bb車..



無咩反應..

之後行去隔離個海洋館..





今次爸爸抱住黎睇..一路行一路同bb講呢d係咩魚..





睇佢睇到幾入神!!

然後把握時間, 去睇南極館


企鵝..好好彩係工作人員餵緊野食..可以見到企鵝肯郁(平時係咁企架ma)



睇完企鵝, 去隔離

雪弧



好喇!!睇完南就睇北極



趁BB仲係心情同精神好既時候...即刻落山

去睇熊貓



點知睇完開始眼訓..代表我地要走

番到葵芳..係A-1買左個CAKE.

今晚慶祝生日..



個CAKE唔錯!!(個個都大讚!!)

未食野前..侄仔同B玩得好開心(自拍)



然後我們這一家



最後姐姐都番左黎..仲買左禮物俾BB



今日過得好充實而且好累

但見到BB咁開心...值得!!

再想番上年今日既慘況...OH MY GOD!!

哈哈..應該無人會再想知


分享係咁多...多謝哂!!