今日係我地既一齊7年..(所以老公先講揀呢個日子去..好SWEET!!好耐都無2個人既旅行)
所以今日既行程係去我想去既地方-奈良
咁因為我仲未食過一蘭..
所以今日早餐同晏就一餐過!!
以我所知一蘭係獨立座位, 但原來係有得打開中間個個野, 咁樣就唔洗自己一個咁慘食面(除非你想靜靜地咁食喇)
後面都見到有得掛褸, 唔洗自己拿住咁食, 方面得多!!
因為我好討厭蔥, 我個碗好白雪雪(叫多隻蛋食)
而老公係禽日已經叫左多蔥, 今日就正常番
(總概黎講, 我都係愛金龍多!)
食飽後, 我地就出發去奈良
係心齋橋行去
原來去奈良, 真係好遠!!我同老公係架車度訓
都搭左成個鐘車..都幾係野!!(因為我地係第一日既時候買pass係無包括JR, 所以我地係搭近鐵)
出左閘後, 沿住個出口行
好快就見到有鹿喇!!
見到即刻唔放過, 要影相
好喇!!繼續向前行..
好快就見到一群..
佢地真係好乖..唔會行去賣餅個度去搶
我地去買左一人一個喇!!惡夢開始
D鹿見到已經發癲..見到人餅就去撞人..雖然話會剪左斷佢地既角
但見到係咁去撞你要俾野食佢地, 都會覺得好驚
老公拍片影我去餵鹿, 但其實係鬧我!!
我地無行到最入..係出面餵到鹿, 我就好足!!(係其實我見到個地圖仲有好遠既距離, 所以唔行LU..你地唔好學我!!)
之後..行番轉頭..
搭近鐵去京都!!
但原來又好遠..無計!因為去既行程係咁行..
去到京都..好肚餓
去左7-11買關東煮..凍冰冰既天氣真係要食熱野, 個身暖好多!!
之後睇住路牌行..係好遠!!(點解我要去d要咁遠既路程右架!!)
行到未上山, 見到間食甜品..拉老公入去先,,坐下都好(但其實時間唔多!!)
無睇錯!!係抺茶..好好味!!
食完個甜品..有力行上山喇!!
影緊相同時見到有人著和服..我好想去同佢地影相..
以我咁大膽去問
當然無問題喇..可惜唔入真正既日本人
其實一路行緊都會見到好多人去和服上清水寺
有遊客, 都有日本人..其實大膽少少去問..應該人地唔介意去同你影相
好快就左清水寺..
越黎越多人著和服..
今次我地搵真正既日本人..
佢地見到我既相機可以反mon..個個都好驚訝
(自己好得戚)
但我地無下去上面睇
一黎我地去到清水寺都好晏..(5點幾先到..)
二黎如果我地買票上去,因為仲要行到好上!!然後再去食野..時間會太夜
除非我地再早D到京都喇!!
之後我地行番另一條路..會多好多鋪行同買野!!
呢一間呢專賣7味粉..
你會覺得會係點樣去試呢?
唔係用手指點一點就放落口, 而係佢會俾杯昆布湯..你再放你想試既味粉落係個湯度..
都幾好味..
買左細細罐..因為個到期日好快到..大家可以買細罐..放買補充裝
買完就行番鐵路站番去心齋橋食野!!
呢間燒肉都幾好食!!
有3個不同SET..睇下自己要求
我地就揀左最貴個個..
因為掛住食..無咩點影過相..
今日係7週年..都係好簡單咁過..
大家係大家身邊..就係一份好好既禮物
分享係咁多...多謝哂!!
聯絡: wwing417@gmail.com
因為做緊特價..$7x 1支
