21w*

原來已經慢慢踏入了孕期的一半

話快唔快，話慢唔慢

但小b對我黎講真係對我不錯

由開始得知自己開始有左小b後

到現在

從未有過作嘔的感覺

係當初食唔落食物，只靠食菜

牛奶方面，更加飲唔到

每次飲完都會即痾，所以就轉飲豆漿為主

而我唔會因為有左bb，而去特登戒口

因為我覺得只要唔過多，適量就ok

始終依傢小b會慢慢吸收我進食的食物，所以俾佢依傢吸收

好過出世後，先俾佢試(例如:海鮮)

就好似，有d bb出世後，對奶有致敏

媽媽就會去搵d低敏ge bb奶粉，唔可以話因為媽係懷緊bb ge時候對奶過敏

所以bb出世後就對b有敏感的!!

我信，依傢係進食方面。食多d不同的食物，bb都可以吸收

由其是海鮮…我係最愛食的!!依傢都冇証據話媽媽在懷緊bb時食海鮮

bb出世就會有濕疹...

呢d都係我自己ge睇法~

To 小b

小b，我知你對媽媽好好。所以仲有10幾w，你要加油

吸收多d營養!!做個健康ge bb，爸爸媽媽就會滿足!!

我地相約3月尾相見喇..乖乖喔!! Love u

照結構＋拍拖

今日，約左去旺角尤醫生度做結構

但我又記錯左時間，食早餐ge時間又冇左!!

趕頭趕命搭巴士去旺角

途中，診所都打過電話黎

(但自從有左bb後，自己的記性真的差了好多）

之後到左診所後，磅重同驗蛋白尿

就開始等睇醫生

等差不多1個鐘，其間好肚餓

（其實應該點都食左野先睇，唔好餓親）

入到去，見到醫生。

佢就問我同老公知唔知咩叫篩查

講左一大輪野

其實係想問，就算依傢照結構。

依傢check唔到有事，但又唔代表出世後冇事

只係低風險

我都明白醫生擔心會之後給客人投訴

所以都冇再追問落去

之後就去照小b la~

一照，小b今日塊面向下。

成個人調轉左（明明前一晚同小b講，要乖乖。。點知都係調轉左個人）

老公話，佢個表現都好乖。係我冇講清楚，塊面向上定向下wo。。

又俾佢吹漲

醫生都盡量照，係小b ge鼻骨同右手照唔到，因為個身已經遮住

不過我都唔擔心

因為期間小b，係度腳郁郁

証明小b咁活躍

哈哈~！！

照完後，姑娘問我想要邊款初生奶粉

第一時間「雅培」係優先決擇

俾錢拎報告同時送上2罐雅培初生奶粉

第一次收奶粉，真的好實在

之後我同老公就去搵野食留肚餓

經過朗豪坊見到有Red Mr.

冇去過，所以就入左去(後悔的開始!!)

點歌，Joey ge page得個3頁..其他人的歌都好少

反而老公愛唱個d全部都有

算la..~!當聽老公開演唱會，唱到3點左右。樓下係Gap做緊特價

就行左一陣，淨行!!!

老公唔准我咁早買...要到7個月先好買

但見到波點ge初生衣..好想即刻去俾錢!!!

點知，老公一句:「小b好慘呀!!」因為佢覺得男仔著咩波點

我唔會理佢，到時見到照買!!

然後就搭小巴回家休息，點知撞到小學的好友

但已經好耐冇聯絡了

傾談左一程車!!真好..得知好消息

真替她開心!!

親愛的！生日快樂~！

今日係親愛的老公生日

今年自己親自揀左一間餐廳食飯慶祝

但去緊途中，whatsapp的媽媽group

知道間餐廳食生蠔，就已經叫我唔好去了

因為始終都會危險~!!

所以當到左中環線去香港線的中間位

同老公停低左，商量後

決定去食自助餐~

而地方就是我結婚出門的酒店~北角海逸君綽酒店

一踏入酒店門口，入左大堂

就已經回想結婚前一晚，我同我的姐妹們夜晚晚

到達酒店個一刻，我還要著住紅當當的紅衣

想起都覺得好笑

之後就行去自助餐的位置

安排好晒，老公就出去拎生蠔

但今日d生蠔好瘦，完全都唔肥

而我，食三文魚刺身，其他熟食

之後食飽飽，我地去左長樓梯度影相!!

然後慢慢行去搭紅van去旺角再轉小巴番屋企

因為大哥大嫂買左蛋糕等我地番黎食

今年就咁過左生日..

不同的是，多了小b同爸爸慶祝

Happy Birthday老公

天氣乾燥~!

呢排天氣開始變得乾燥!!

身上的每個位置都好逐

由其是小b的位置

無時無刻都要去「摸」一「摸」

最後已經有d皮膚已經俾我整損左

無辦法!!

用左某牌子的潤膚乳..結果太油

都係解決唔到~!!

睇黎，wing要去搵一些潤膚乳去舒緩下

否則，皮膚更加俾我整到損晒..仲有成個冬天等緊我

搵一搵資料先~!!

Shu uemura修眉+shopping**

話說7月份的時候，跟同事在朗豪坊shopping

而且可以做到會員

送了一張修眉及化妝一次/上妍習班

岩岩過去sat..約左去THE ONE修眉

因朗豪坊裝修中，所以要轉場地

收工再搭地鐵去到THE ONE都差不多1點

時間岩岩好!

不過剛去到，太多人在鋪內

BA見到我，我講係約左修眉。因為同事仲未完成..所以招呼緊我的BA叫我等等

我就順便睇睇護膚品..因為天氣轉了，所以護膚品都要轉一轉

何況wing根本是懶人一個由其是懷孕後，更懶了!!)

BA都係懷孕的..所以介紹我紅萃能量活肌系列

但Wing沒有要晒全條line

只揀了爽膚水，DAY CREAM+NIGHT CREAM

精華家裏有Estee Lauder所以足夠

揀完..時間岩岩好修眉

原來是個男BA幫我的叫ISSAC，首先會清潔自己對手及工具

確保衛生

然後會分析佢會點樣幫我修...修完大概形狀

會用眉筆教我點樣畫番好條眉...

最後.戰利品一袋


左邊係自己買ge..右邊係送ge禮物

咁岩The one做緊pro，滿2千送禮物





今次買護膚品是紅萃能量活肌系列。只買了爽膚水, DAY CREAM + NIGHT CREAM


又買了一支唇膏..其實想買紅色的。但怕太誇了，怕自己不敢嘗試!!唯有24 Nov去上妍習班盡情試吧




買完後，跟同事去甜牙牙食甜品

談天..

其實可以由同事做到朋友

感覺真好!!

政府第2次產檢*

今日朝早訓到差不到8點先起身

然後要搵個樽仔帶定小便

方便陣間去產樣縮短時間
(何況醫院廁所點都唔夠屋企廁所乾淨!!)

大概8點半左右去食個豐富早餐

慢慢食..真好!!唔洗趕頭趕命

就搭車出葵芳再轉小巴

因為今次檢查係K座

要行番後面..到達K座

因為今次第一次去K座9樓

所以都有少少驚..仲要得自己一個人

一上到去，已經見到好多人排緊隊同一班媽媽已經坐定定

好移登記都算快..而且有姑娘問有冇人帶左小便黎

即刻又ko左呢樣..

原來呢度產檢，磅重同量血壓都係自助型式

都幾好，唔洗等叫名去等姑娘做

之後入護士室對資料，再等叫名入去

個護士問ge野同係母嬰健康院一樣，我都唔明點解會重覆

之後又出去等，等見醫生

係等ge時間，越黎越多人黎檢查

好彩我都算第一批去見醫生

醫生都係問下近期有冇d不適

然後就上床去按下肚仔..(因為小b早一晚好似聚係左邊咁，所以醫生幫我睇下。)

聽心跳..袁小b心跳聲:轟轟轟...

好得意..

媽媽即時都笑了!!

之後醫生睇番我ge病歷..知道我條脊柱側wan..

所以叫我下個月覆診去同骨科醫生講，我依傢有左bb

而且到時要去照肺..

醫生真的好細心..

之後再約左下次ge時候，就搭車落番葵芳食Lunch

Ps.如果有產檢可以放全日就好喇，俾媽媽可以抖多半日假

重陽節BBQ+探b女

重陽節...

今年同肚裏的小b同老公一齊同舊同事去燒野食

去大棠郊野公園 好耐都冇去呢d郊野公園

其實都好好ga..環境又大 又唔會太嘈吵!!

而且可以同朋友一齊吹水

然後到左下午，大家都燒飽就走喇

落到元朗，臨去紅磡前 去b仔度買雞翼尖..正!!

太耐冇食過la.. 去到紅磡..見到bb女 好可愛..

因為自己懷孕中而且成陣燒烤味

都係唔係近距離去望bb女 夜晚大家一齊食晚飯

今餐因為食得唔太多關係 所以唔洗夾錢..哈哈

今日就咁過左一日好充實的一天!!

~美素佳兒講座~

今日去聽美素佳兒講產

等埋老公收工，去左甘味食烏冬

但胃口不佳，淨係食左老公個碗幾啖就停

之後就搭地鐵去TST金域酒店

一路上都見到好多媽媽

入到去，登記先。會場會派小小杯媽媽奶試用

結果都幾好.起碼唔會甜。

淡淡地容易入口

之後有一個簡單的介紹新裝奶粉

就送了一個三角枕

其實Wing都係為了呢個枕先參加的..因為好多媽媽都話好用

所以當然唔會執輸

但講產都幾好..唔會太悶令到個人唔想聽

之後聽完講座後..搭車番屋企休息。

其實聽完兩個講座..都會發覺其實需唔需要咁早去聽?

因為兩次都見到其他媽媽個肚都係有番咁上下..

而自己個肚仲係見唔到

不過都係吸取知識..

希望到時袁小b出世後,爸媽仲記得喇。

哈哈

終於都知道你係..Our Baby Boy!!

禽日去張智產檢，等左了一個月才再見袁小b

點知我地預約時間未能夠到我地

姑娘叫我地出去行陣或者食野先 但個人都累..連老公都叫累

唯有係新都會由頂層行到最底層...

途中見到原味家作..入去做左會員。 順便買了個湯進補一下la...

飲飽就行番去診所 等多2個人就到我la..

每次都是量血壓及驗尿 到我入去喇...

醫生都係問番呢個月點樣 胃口好左d..起碼都可以食到野

然後就訓床睇bb la.. 今次相比政府個時，bb大了(說廢話..當然大左la..)

醫生係度照緊其他位置ge時候，我同老公都見到bb ge性別了

到醫生特別話依傢去照性別ge時候 已經好肯定話，仔黎ga..

好明顯la 我同老公已經大笑...因為真係好明顯

醫生問，係咪鍾意仔呢？笑得咁開心 第一.開心係因為健康... 第二.俾人說中，真的生仔。

奶奶又恨唔到抱孫女,,haha 醫生話..唔緊要la..下胎再都努力!!

之後出去再約下次覆診 回到家..我即時幫袁小b改左叫大j..haha

其實仔同女都冇所謂，最緊要健康，開心就可以!!

驚險的事

現在要努力記低任何的一件事 由其是記下懷孕的幸福事!! 岩岩Wing過左一個好驚險的產檢 因為9月5日wing第一次去健康院產檢 但前一晚Wing的侄仔在我們家等待他爸爸回來接他走 係我地食緊飯ge時候，收到大伯電話b去唔去廁所 帶佢去睇醫生 點知過左冇耐，sd左相給我們 b身上生了紅「診」 開頭我地諗住係自己敏感 到第2日，老公同我一齊去產檢 到抽完血，收到奶奶電話話b生水痘 但抽血前，見姑娘ge時候。姑娘問我有冇生過水痘 因為如果孕婦未生過水痘，千其唔好接觸生水痘的人 咁樣會好容易影響bb... 就係呢個電話令到我同老公都好擔心!! 仲要叫我地產檢完唔好番屋企!! 話要等到有人接佢走，先好番黎屋企 我真係覺得好奇怪!!點解睇佢睇醫生唔係自己爸媽，反而係嫲嫲帶 睇完仲要唔係帶番去佢屋企，帶落我地度？ 仲要叫一個大肚婆唔好番屋企...晨咁早起身，產檢完 一定想番去訓下覺ga la... 點知..屋企人 唉!!不知所謂 結果，係要我呢個大肚婆執野番外家 但媽咪番左大陸，細佬唔係屋企 所以我呢個大肚婆..同老公要係條街度遊盪 經過呢件事 我唔覺得自己大肚有d咩好ge代遇 反而..要咁樣接受結果 幸好..第二日就收到健康院電話 原來我有水痘ge抗體 先安心..!! 所以..我睇清晒對我好ge人..

幸福的雙線

話說本身今個月應該是15號就要黎報道的

但一直到20號回鄉都未黎 就係度諗，今次會唔會中呢？

可惜21號晚夜車番黎之後 肚仔開始唔同平時谷m個種痛

連續2晚痛到訓唔到覺，第3日終於都請左假

去睇醫生 醫生幫我按下肚，發覺肚仔冇咩事 問我經期黎左未？

我話遲左第9日 然後就話有機會懷孕 (其實今次我都覺得會中的....因為平時谷m的感覺不同)

但我都冇即時在診所驗，怕結果並不是我想像中的答案

所以醫生開了止痛藥給我 然後就番屋企休息 但到夜晚的時候，肚都會痛。

所以食了一粒止痛藥 到第2日，即時25號 m小姐都係仲未黎搵我

收左工後，去左watson's度買了棒棒黎驗 番到家，見到大伯同二伯都係度

所以我都唔係咁好意思就咁拎支棒棒去廁所

搵些衫遮住先入去 在等的時候，我仲要拎個包裝袋遮住個結果 在做好心理準備後，一看 雙線 激動到喊左出黎!!!

即時whatsapp俾一個朋友。答案：中了 然後就sd俾老公睇 但反應真的.......

不似其他blogger的老公一樣 冷靜的.. =.=''

所以從今日起，我的生命開始有所不同

To baby 你要乖乖喔，媽媽同爸爸好期待你的來臨

有一晚，個肚仔都好痛 爸爸知道我又訓唔到覺的時候 同你講左一句「乖，俾媽咪訓覺」

之後就冇痛了 我都知道baby你好乖的....要努力喔

一個月後，媽咪同爸爸會去看你 所以你要在媽咪的肚仔內加油!!

愛你的!!!