今日係仔仔第一次入DISNEY玩~
因為怕太細, 會咩都玩唔到, 而且佢好又細膽..咩都驚, 咩都話怕
所以都係等到依傢夠2歲先帶入去玩~
知道要地鐵不知幾開心~把口NON STOP:地鐵..地鐵...(無限LOOP...)
但適逢今日係復活節假期又加上係星期日, 所以都好多人到欣澳站(見有人帶野食入黎野餐..下次都可以約朋友仔一齊去野餐)
上車都好似要爭先咁..真係唔多喜歡(所以有時假期都唔願點出街..周圍都好多人~)
(頭髮太長LA..下個月去泰國前要剪剪先))
到左Disney la..自己要行樓梯(都好ga..唔洗點
真係要行多D先得..
依傢要定定咁影張相都好難(遲下唔肯俾我影點算~...><)
影左幾張先收到貨..
入到場更加癲左..周圍行..捉都捉唔實
見到係圓形既物體, 就又係發左癲咁叫:波波..又LOOP
對眼未離開過架飛船..真係第一次玩機動遊戲..唔知會唔會好驚, 仲會喊呢..?
排緊隊個時, 一直都無拖住佢..但如果見到佢行前左去左人地個到, 就會拖佢番黎
但都算肯聽人講既(一時時la...)
今日既天氣真係好好~有微微既風..
估唔到完全無喊到~都好興奮..
之後就黎料..失控!!
正常呢個時間係眼訓~但居然仲high緊
咁唯有同佢玩埋車車個個la..(本身我唔諗住去玩~但最後都一齊去排隊陪下仔la..都一場到左)
但條龍真係呢~真係排左一個鐘..(真係唔會有下次...太長時間去排一個game..)
睇下..睇下...真係癲左~就咁自己一個人都可以咁..
真係要捉實先得~ (其實之後都好攰, 想訓覺..)
但無理由就到先訓..所以即時要高8度同佢講..:車車到LA...我地可以坐車車LA~!!
咁樣先搞得掂佢..
上左車後~成個人都醒左..!!
但全程都係唔夠膽掂個呔..
所以爸爸開得好快~一陣就完左...真係唔抵!!排左成個鐘..玩得個一至兩分鐘..?
哈! 條數點計都唔抵
但眼見仔仔玩得咁開心~都OK..
玩完呢個就訓LU...
咁我地就唯有推住車仔去行下之前未去過既地方..但得個望, 無得玩
唔知有無其他人覺得..旋轉木馬係一件好浪漫既事(但每一次見到好想去玩, 但又會過唔到一個關口..仲細咩, 仲去玩呢個..!! 但其實每一個女仔心中都住左一位公主, 希望會搵到自己心目中的那位可以捧自己成為公主的王子..)
之後見時間未到可以睇夜遊, 不如再去玩多個GAME
點知..見到BB咁熟睡.好難去吵醒佢..
排緊隊既時候, 見到我後面個個BB好得意!!忍唔住問人地媽媽可唔可以合照..
真係好可愛, 好可愛!!
點知BB係我地上HONEY車車就醒左~ GOOD!!可以再玩多個GAME..
但又係怕怕..驚驚(其實有幾細膽呢...@@)
醒左之後..我地行左一陣美國大街..但開始夜黑
所以我去搵個靚住睇巡遊, 爸爸就陪BB再去玩飛船
但天氣真係話凍就凍..我連帽都要套上..
成個巡遊都好好睇, 但位置可以更好仲好睇D
有機會會再帶BB再黎玩多次~
今年既慶祝生日都好滿意..BB真係開始大個仔
要自己話事, 但又唔肯聽人講
有時真係會俾佢激到生蝦咁跳..但咁樣先係經歷 (自己當初細個既時候何嘗唔係咁呢..!!)
真的要多謝媽媽..!!
*********************************************************************************************
歡迎大家搵我合作試用
MY MAIL
我既FB PAGE:
Wing's beauty
沒有留言:
張貼留言