我最愛的Brand - LUSH HK

LUSH呢個牌子我之前都係聽過但就從未用過..

但真係直至經過旺角西洋菜街..係地鐵站上到地面..岩岩到THE BODY SHOP..就已經聞到LUSH既味

咩係LUSH既味?? 呢個真係好難去講..只要你入過一次佢間鋪..你就會明咩叫LUSH既味

其實係想睇一睇..(原本個日係約左去做FACIAL..只不過係未夠鎊..所以係諗住睇..)

但點知入到去就出事喇!!

個SALES好好..俾我既感覺唔會係好煩..係咁問你...

原本只係睇睇..點知就買左幾樣野



第1樣係機械寶寶汽泡彈 - for Lucas用



但因為個時仲要陪佢沖, 所以就無影到相..

呢個係汽泡彈係無泡泡..所以唔會令到仔仔因為d泡泡整到眼仔..

咁佢呢個既成份係有:碳酸氫鈉、檸檬酸、薰衣草精油、檀香精油及藍甘菊精油 - 可以安撫寶寶,寧神安眠.紓緩敏感 或痕癢的症狀，愛錫幼嫩肌膚

第2樣係草本洗面膏



呢個真係好用..一黎岩晒我既皮膚..(適合油性及暗瘡肌膚)

二黎用完唔會覺得乾..因為佢入面有米醋精華、碎杏仁、高嶺土、迷迭香

而且碎杏仁可以幫我去角質..一盒入面有哂我去洗面既全部護膚品..

可以keep哂好多步驟..

第3樣係薄荷清爽面膜 — 自然防腐配方



佢呢個有2款..一款係無自然防腐配方, 一款有

但價錢係一樣既!!唔會話唔同價錢

咁呢個岩哂 - 適合中性、油性及混合性肌膚

深層清潔、鎮靜紓緩和淨化效果

通常我都係隔幾日先敷一次...(係懶!!)然後去針清...會容易d起..



第3樣係吹波糖潤唇磨砂


成分: 細白砂糖及有機荷荷巴精油

呢個真係好愛用...每次用都真係覺得自己食緊糖咁...

放心!!食落肚都唔怕..因為佢入面既成份都係可以食得落肚..

所以我都係自己搽完嘴之後自己lan左佢吞肚..haha


好喇!!今次既分享係咁多...

純粹係我自己既分享...

有興趣就去店鋪試下..

打完, 收工!!

*********************************************************************************************

歡迎大家搵我合作試用

my mail